ന്യൂഡല്‍ഹി: സ്വാശ്രയ മെഡിക്കല്‍ പ്രവേശനത്തില്‍ ഒഴിവ് വരുന്ന എന്‍.ആര്‍.ഐ സീറ്റുകളില്‍ സംസ്ഥാനത്തിന് പുറത്തു നിന്നുള്ള വിദ്യാര്‍ഥികളെ പ്രവേശിപ്പിക്കാമെന്ന് സുപ്രിം കോടതി. സംസ്ഥാനത്തിന് പുറത്തുള്ള എന്‍.ആര്‍.ഐ വിദ്യാര്‍ഥികള്‍ക്ക് മാത്രമാണ് അനുമതി. കേരള സ്വകാര്യ മെഡിക്കല്‍ കോളജ് മാനേജ്‌മെന്റ് അസോസിയേഷന്‍ നല്‍കിയ ഹരജിയില്‍ ജസ്റ്റിസ് എസ്.എ ബോബ്‌ഡെ അധ്യക്ഷനായ ബെഞ്ചിന്റേതാണ് ഉത്തരവ്.
നാല് വര്‍ഷത്തേക്ക് മുന്‍കൂര്‍ ബാങ്ക് ഗ്യാരണ്ടി നല്‍കണം എന്ന ആവശ്യത്തെപ്പറ്റി വിദ്യാര്‍ഥികള്‍ക്ക് നേരത്തെ തന്നെ അറിയിപ്പ് നല്‍കണം. ഹരജിയിലെ അന്തിമ തീരുമാനത്തിന് അനുസൃതമായിട്ടായിരിക്കും ബാങ്ക് ഗ്യാരണ്ടി വേണോ എന്നു നിശ്ചയിക്കുക എന്നും കോടതി വ്യക്തമാക്കി.