മദീന: ഇന്ത്യയില്‍ നിന്നു ഹജ്ജ് കര്‍മ്മത്തിനെത്തിയ സംഘത്തില്‍ യുവതി ആണ്‍കുഞ്ഞിന് ജന്മം നല്‍കി. ഉത്തര്‍പ്രദേശില്‍ നിന്നുള്ള 29 കാരി ശംനാസാണ് ഇന്ത്യന്‍ ഹജ്ജ് സംഘത്തിലെ ആദ്യ കണ്മണിക്ക് ജന്മം നല്‍കിയത്.

ഭര്‍ത്താവ് ദില്‍ഷാദിനൊപ്പമെത്തിയ ശംനാസ് വ്യാഴാഴ്ചയാണ് കുഞ്ഞിന് ജന്മം നല്‍കിയത്. കുഞ്ഞും ഉമ്മയും ആശുപത്രിയില്‍ സുഖമായി കഴിയുന്നു.

പുണ്യ നഗരിയില്‍ വച്ച് കുഞ്ഞിന് ജന്മം നല്‍കിയതിന്റെ സന്തോഷത്തിലാണ് ദില്‍ഷാദ്- ശംനാസ് ദമ്പതികള്‍. കഴിഞ്ഞവര്‍ഷം ഹജ്ജിനെത്തിയവരില്‍ പത്ത് യുവതികളാണ് കുഞ്ഞുങ്ങള്‍ക്ക് ജന്മം നല്‍കിയത്.