നടുവണ്ണൂര്‍: എലങ്കമല്‍ പ്രദേശത്ത് രാത്രി കാലങ്ങളില്‍ കള്ളന്മാരുടെയും സാമൂഹ്യ ദ്രോഹികളുടെയും ശല്യം നാട്ടുകാരുടെ സൈ്വര്യ ജീവിതം കെടുത്തുന്നു.
ഇക്കഴിഞ്ഞ ദിവസം നടുവിലെടുത്ത് പക്കു എന്നയാളുടെ വീട്ടില്‍ കയറി ഭക്ഷണം കഴിച്ച് പണവും അപഹരിച്ചാണ് കള്ളന്‍ രക്ഷപ്പെട്ടത്. ശബ്ദ്ദം കേട്ട് വീട്ടുകാര്‍ ഉണര്‍ന്നപ്പോള്‍ കള്ളന്‍ ഓടി രക്ഷപ്പെട്ടിരുന്നു.
വീട്ടുകാര്‍ പേരാമ്പ്ര പൊലിസില്‍ പരാതി നല്‍കിയിട്ടുണ്ട്. സമീപകാലത്തായി പ്രദേശത്തെ വെങ്കല്ലില്‍ ഇമ്പിച്ച്യാലി, മണ്ണത്താം കണ്ടി ബഷീര്‍ ,എന്നിവരുടെ വീട്ട് മുറ്റത്ത് നിര്‍ത്തിയിട്ടിരുന്ന മോട്ടോര്‍ സൈക്കിളുകള്‍ തീയിട് നശിപ്പിച്ചിരുന്നു നാട്ടുകാര്‍ പേരാമ്പ്ര എസ്.ഐയുടെ നേതൃത്ത്വത്തില്‍ ആക്ഷന്‍ കമ്മിറ്റി ചേരുകയുണ്ടായെങ്കിലും ഇത് വരെ പ്രതികളെ പിടികൂടാന്‍ സാധിച്ചിട്ടില്ല പ്രദേശത്ത് രാത്രിയിലും പകലിലും ശീട്ടുകളിയും മറ്റും നടന്നു കൊണ്ടിരിക്കുകയാണ് ഇത് പ്രദേശത്തെ ജനങ്ങളുടെ സൈ്വര്യ ജീവിതം 'നഷ്ടപ്പെടുത്തുന്നു.ജനങ്ങള്‍ക്ക് സമാധാനത്തോടെ കഴിയാന്‍ രാത്രികാലങ്ങളില്‍ പൊലിസ് പ്രദേശത്ത് പട്രോളിങ് ഏര്‍പ്പെടുത്തണമെന്നും ആവിശ്യമായ നടപടികള്‍ സ്വീകരിക്കണമെന്നും പ്രദേശവാസികള്‍ പേരാമ്പ്ര പൊലിസില്‍ പരാതി നല്‍കിയിട്ടുണ്ട്.