HOME
DETAILS

കോട്ടക്കടവ് ബിവറേജസ്: രാപ്പകല്‍ സമരം സമാപിച്ചു

  
backup
May 25 2017 | 22:05 PM

%e0%b4%95%e0%b5%8b%e0%b4%9f%e0%b5%8d%e0%b4%9f%e0%b4%95%e0%b5%8d%e0%b4%95%e0%b4%9f%e0%b4%b5%e0%b5%8d-%e0%b4%ac%e0%b4%bf%e0%b4%b5%e0%b4%b1%e0%b5%87%e0%b4%9c%e0%b4%b8%e0%b5%8d-%e0%b4%b0%e0%b4%be

 

ചാലിയം: കോട്ടക്കടവിലെ ബീവറേജ് ഔട്ടലെറ്റിനെതിരേ ജനകീയ സമരസമിതി ബുധനാഴ്ചയാരംഭിച്ച രാപ്പകല്‍ കുത്തിയിരിപ്പ് സമരം സമാപിച്ചു. സമാപന സംഗമം എഴുത്തുകാരന്‍ ആര്‍സു ഉദ്ഘാടനം ചെയ്തു.
രാജാവ് നഗ്നനാണെന്ന് വിളിച്ചു പറയാന്‍ ത്രാണിയില്ലാത്ത വിധം പ്രതികരണശേഷി ഷണ്ഡീകരിക്കപ്പെട്ട ഇക്കാലത്ത് തങ്ങളുടെ സ്വസ്ഥതയും സമാധാനവും തിരിച്ചുപിടിക്കാനുള്ള ഒരു ഗ്രാമത്തിന്റെ നിശ്ചയദാര്‍ഢ്യത്തിന് മുന്നില്‍ അധികാരികള്‍ മുട്ടുമടക്കേണ്ടി വരുമെന്ന് അദ്ദേഹം പറഞ്ഞു.
ലീഗ് സംസ്ഥാന സെക്രട്ടറി എം.സി മായിന്‍ ഹാജി, ബി.ജെ.പി ജില്ലാ കമ്മിറ്റിയംഗം ചെറുകാട്ട് ചന്ദ്രന്‍, ഇന്ത്യന്‍ നാഷണല്‍ കോണ്‍ഗ്രസ്സ് കടലുണ്ടി മണ്ഡലം പ്രസിഡന്റ് സി.പി അളകേശന്‍, വെല്‍ഫെയര്‍ പാര്‍ട്ടി മണ്ഡലം പ്രസിഡന്റ് എം.എ ഖയ്യൂം, എസ്.ഡി.പി.ഐ മണ്ഡലം പ്രസിഡന്റ് സൈനുല്‍ ആബിദ്, ലീഗ് പഞ്ചായത്ത് കമ്മിറ്റി പ്രസിഡന്റ് എ.എം കാസിം, ജമാഅത്തെ ഇസ്‌ലാമി ഏരിയ സെക്രട്ടറി നബീല്‍ ചാലിയം, യൂത്ത് ലീഗ് പഞ്ചായത്ത് കമ്മിറ്റി പ്രസിഡന്റ്് നാസര്‍ കപ്പലങ്ങാടി, സിദ്ദീഖ് സഖാഫി അരിയൂര്‍, എന്‍.വി ബീരാന്‍ കോയ, വാര്‍ഡ് അംഗം അഡ്വ.പി.വി മുഹമ്മദ് ഷാഹിദ്, ഭിന്നശേഷി സമിതി സംസ്ഥാന പ്രസിഡന്റ് അസീസ് കടലുണ്ടി സംസാരിച്ചു.
സമരത്തിന് ഐക്യദാര്‍ഢ്യമര്‍പ്പിച്ച് എട്ടാം ക്ലാസ് വിദ്യാര്‍ഥിനി ദിയാ ജീവന്‍, കുടുംബശ്രീ പ്രവര്‍ത്തകരായ രജനി, ഷൈമ എന്നിവര്‍ സമര ഗാനമാലപിച്ചു. അഭിവാദ്യമര്‍പ്പിച്ച് എസ്.ഡി.പി.ഐ, എസ്.എസ്.എഫ് സംഘടനകള്‍ റാലിയായി സമരപ്പന്തലിലേക്കെത്തിച്ചേര്‍ന്നു.സമര സമിതി കണ്‍വീനര്‍ ഹബീഷ് മാമ്പയില്‍ സ്വാഗതവും ട്രഷറര്‍ എ. ഡെല്‍ജിത്ത് നന്ദിയും പറഞ്ഞു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."