ഓമശ്ശേരി: ഒരു വര്‍ഷം പൂര്‍ത്തിയാക്കിയ പിണറായി സര്‍ക്കാര്‍ പ്രവാസികളെ തീര്‍ത്തും അവഗണിച്ചതായി ഓമശ്ശേരി പഞ്ചായത്ത് പ്രവാസി ലീഗ് കൗണ്‍സില്‍ മീറ്റ് ആരോപിച്ചു. പ്രവാസികള്‍ക്ക് നിയമ സഹായം നല്‍കുന്നതിനായി മുന്‍ സര്‍ക്കാര്‍ രൂപീകരിച്ച പ്രവാസി കമ്മീഷന്റെ പ്രവര്‍ത്തനം പോലും ഇപ്പോഴത്തെ ഭരണ കൂടത്തിന്റെ നിസ്സംഗത മൂലം അവതാളത്തിലാണെന്നും കൗണ്‍സില്‍ മീറ്റ് ചൂണ്ടിക്കാട്ടി. ഓമശ്ശേരി ലീഗ് ഹൗസില്‍ നടന്ന പരിപാടിയില്‍ പി.വി.അബ്ദുല്ല അദ്ധ്യക്ഷനായി. അബു മൗലവി അമ്പലക്കണ്ടി പ്രാര്‍ത്ഥനക്ക് നേതൃത്വം നല്‍കി. മണ്ഡലം മുസ്‌ലിം ലീഗ് വൈസ് പ്രസിഡന്റ് യു.കെ.അബു ഹാജി ഉദ്ഘാടനം ചെയ്തു.
കെ.അബ്ദുല്‍ ലത്വീഫ് ഓമശ്ശേരി, കെ.ടി. മുഹമ്മദ്, ഇ.കെ. മുജീബുറഹ്മാന്‍, പി.അബ്ദുല്‍ ലത്വീഫ് ആലിന്‍ തറ, വി.സി. ഇബ്രാഹീം, വി.സി. അബൂബക്കര്‍, വി.കെ. അബു ഓമശ്ശേരി, എം.കെ. അബ്ദുറഹ്മാന്‍, ടി.പി. അബ്ദുറഹ്മാന്‍ സംസാരിച്ചു.