കാഞ്ഞങ്ങാട്: ജില്ലാ ലൈബ്രറി കൗണ്‍സിലിന്റെ നേതൃത്വത്തില്‍ ഹയര്‍ സെക്കന്‍ഡറി വിദ്യാര്‍ഥികള്‍ക്കായി ഒക്ടോബര്‍ ഏഴിന് വായനാമത്സരം സംഘടിപ്പിക്കും. നാല് താലൂക്കൂകളില്‍ വച്ചാണ് മത്സരം സംഘടിപ്പിക്കുന്നത്. ഹൊസ്ദുര്‍ഗ് താലൂക്ക്തല മത്സരം എന്‍.കെ ബാലകൃഷ്ണന്‍ സ്മാരക യു.പി സ്‌കൂള്‍ നീലേശ്വരത്തും, വെള്ളരിക്കുണ്ട് താലൂക്ക്തല മത്സരം ജി.എച്ച്.എസ്.എസ് പരപ്പയിലും, കാസര്‍ഗോഡ് താലൂക്ക്തല മത്സരം ജി.എച്ച്.എസ്.എസ് കാസര്‍കോടും, മഞ്ചേശ്വരം ജി.എച്ച്.എസ്.എസ് മംഗല്‍പ്പാടിയിലും നടക്കും. ഉച്ചയ്ക്ക് രണ്ടിനാണ് മത്സരങ്ങള്‍.
മത്സരത്തില്‍ പങ്കെടുക്കുന്നവര്‍ സ്ഥാപനത്തിന്റെ മേലധികാരിയില്‍ നിന്നുള്ള സാക്ഷ്യപത്രവും ഐഡന്റിറ്റി കാര്‍ഡിന്റെ സ്വയം സാക്ഷ്യപ്പെടുത്തിയ പകര്‍പ്പും സഹിതം അതാത് കേന്ദ്രത്തിലെത്തണം. പങ്കെടുക്കുന്നവര്‍ ഒക്ടോബര്‍ നാലിനുള്ളില്‍ അതാത് താലൂക്ക് സെക്രട്ടറിയുമായി ബന്ധപ്പെട്ട് രജിസ്‌ട്രേഷന്‍ ഉറപ്പുവരുത്തേണ്ടതാണ്.