കൊണ്ടോട്ടി: ഹജ്ജിന് ഒരുങ്ങിയ 44 പേര്‍ക്ക് അവസരം കൈവിട്ടുപോയത് അവസാനം നിമിഷം. കവറില്‍ ഉള്‍പ്പെട്ടവരുടെ മരണം, വാഹന അപകടം, രോഗങ്ങള്‍ തുടങ്ങിയവയാല്‍ 44 പേര്‍ക്കാണ് അവസാന നിമിഷം യാത്ര മുടങ്ങിയത്.
ഹജ്ജിന്റെ മുഴുവന്‍ പണവും അടച്ച ഇവരുടെ വിസ, പാസ്‌പോര്‍ട്ട് ഉള്‍പ്പടെയുള്ള രേഖകള്‍ കരിപ്പൂര്‍ ക്യാംപിലെത്തിയിട്ടുണ്ട്. കേരളത്തിലെ ഹജ്ജ് സര്‍വിസുകള്‍ ഇന്ന് അവസാനിക്കുമെന്നതിനാല്‍ ഇവര്‍ക്ക് പകരം മറ്റുളളവരെ ഉള്‍ക്കൊള്ളിക്കാനുമാകില്ല. ഇതിനെ തുടര്‍ന്ന് 300 പേര്‍ യാത്രയാവേണ്ട അവസാന ഹജ്ജ് വിമാനം 260 പേരുമായാണ് പുറപ്പെടുക.