പാലപ്പിള്ളി (തൃശൂര്‍): 'നിലപാടുകളുടെ കരുത്ത്, വ്യതിയാനങ്ങളുടെ തിരുത്ത്' എന്ന പ്രമേയത്തില്‍ എസ്.കെ.എസ്.എസ്.എഫ് ട്രൈസനേറിയം മുപ്പതാം വാര്‍ഷികാഘോഷങ്ങളുടെ ഭാഗമായി ജില്ലാ തലങ്ങളില്‍ സംഘടിപ്പിക്കുന്ന ട്രൈസനേറിയം മീറ്റുകളുടെ സംസ്ഥാനതല ഉദ്ഘാടനം പാലപ്പള്ളി ദാറുത്തഖ്‌വ ഇസ്‌ലാമിക് അക്കാദമിയില്‍ സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ നിര്‍വഹിച്ചു. എസ്.കെ.എസ്.എസ്.എഫ് സംസ്ഥാന ജന. സെക്രട്ടറി സത്താര്‍ പന്തല്ലൂര്‍ പ്രമേയ വിശകലനം നടത്തി. ജില്ലാ പ്രസിഡന്റ് മഹ്‌റൂഫ് വാഫി അധ്യക്ഷനായി. ഓഗസ്റ്റില്‍ ഡല്‍ഹിയില്‍ നടക്കാനിരിക്കുന്ന ദേശീയ പ്രതിനിധി സംഗമം, സ്വാതന്ത്ര്യദിനത്തില്‍ മേഖലാ തലങ്ങളില്‍ നടക്കുന്ന ഫ്രീഡം സ്‌ക്വയര്‍, സെപ്റ്റംബറില്‍ നടക്കാനിരിക്കുന്ന ക്ലസ്റ്റര്‍ കോണ്‍ഫറന്‍സുകള്‍, മറ്റു ട്രൈസനേറിയം പദ്ധതികള്‍ തുടങ്ങിയവ ചര്‍ച്ച ചെയ്തു. അബൂബക്കര്‍ ഫൈസി ചെങ്ങമനാട് തസ്‌കിയ സെഷനില്‍ വിഷയമവതരിപ്പിച്ചു. ഷഹീര്‍ ദേശമംഗലം ഗ്രൂപ്പ് ചര്‍ച്ചക്ക് നേതൃത്വം നല്‍കി. എസ്.കെ.ജെ.എം ജില്ലാ സെക്രട്ടറി ഇല്യാസ് ഫൈസി പ്രാര്‍ഥന നിര്‍വഹിച്ചു.
ജില്ലാ സെക്രട്ടേറിയറ്റ് അംഗങ്ങള്‍, ഉപസമിതി ചെയര്‍മാന്‍- കണ്‍വീനര്‍മാര്‍, മേഖലാ പ്രസിഡന്റ്, സെക്രട്ടറി, ട്രഷറര്‍, വര്‍ക്കിങ് സെക്രട്ടറി, ക്ലസ്റ്റര്‍ പ്രസിഡന്റ്, സെക്രട്ടറിമാര്‍ തുടങ്ങിയവര്‍ മീറ്റില്‍ പങ്കെടുത്തു. ഹാഫിള് അബൂബക്കര്‍ സിദ്ദീഖ് സ്വാഗതവും നൗഫല്‍ ചേലക്കര നന്ദിയും പറഞ്ഞു.