ചെങ്ങന്നൂര്‍: മുളക്കുഴ പളളിപ്പടി ജംഗ്ഷന് സമീപത്തുനിന്ന് അനധികൃതമായി മണ്ണെടുത്ത് കടത്താന്‍ ശ്രമിക്കുന്നതിനിടെ റവന്യു ഉദ്യോഗസ്ഥരെത്തി മണ്ണുമാന്തി യന്ത്രം പിടിച്ചെടുത്തു. ഡെപ്യൂട്ടി തഹസീല്‍ദാര്‍ കെ.ബി ശശി, മുളക്കുഴ വില്ലേജ് ഓഫീസര്‍ ആര്‍.ഐ സന്ധ്യാ എന്നിവരുടെ നേതൃത്വത്തിലുളള സംഘമാണ് സ്ഥലത്തെത്തിയത്. പളളിപ്പടി ജംഗ്ഷനിലെ എം.സി റോഡിന് വശത്തുളള മലയുടെ ഭാഗമാണ് ഇന്നലെ ജെ.സി.ബി ഉപയോഗിച്ച് ഇടിച്ചുനിരത്തിയത്.