കുറ്റ്യാടി: കാലമേറെ കഴിഞ്ഞാലും ക്ലാവ് പിടിക്കാത്ത ജന്മത്തിന്റെ നേരവകാശികളാണ് അധ്യാപകരെന്ന് പാറക്കല്‍ അബ്ദുല്ല എം.എല്‍.എ. വടകര താലൂക്ക് എഡ്യുക്കേഷന്‍ ഡിപ്പാര്‍ട്ട്‌മെന്റ് ടീച്ചിങ് ആന്റ് നോണ്‍ ടീച്ചിങ് എംപ്ലോയീസ് വെല്‍ഫെയര്‍ കോപ്പറേറ്റീവ് സൊസൈറ്റിയുടെ (വീക്കോസ് ) ആഭിമുഖ്യത്തില്‍ നടന്ന അധ്യാപക അവാര്‍ഡ് ജേതാക്കള്‍ക്കുള്ള അനുമോദന സദസ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
അധ്യാപനത്തോളം മഹത്തരമായി മറ്റൊന്നില്ല. അവാര്‍ഡുകള്‍ അര്‍ഹതയ്ക്കുള്ള അംഗീകാരമാണ്. മറ്റുള്ളവര്‍ ഇത് മാതൃകയാക്കണമെന്നും എം.എല്‍.എ അഭിപ്രായപ്പെട്ടു.
സംസ്ഥാന അധ്യാപക അവാര്‍ഡ് ജേതാക്കളായ ജീവന്‍ നവാസ്, പി.കെ സുഗുണന്‍, ഇ.വിശ്വനാഥന്‍, ടി.സി സത്യനാഥന്‍, രാജ്കുമാര്‍ എന്നിവരെയാണ് ആദരിച്ചത്. വീക്കോസ് പ്രസിഡന്റ് കെ.സജീവന്‍ അധ്യക്ഷനായി.