വാഷിങ്ടണ്‍: യു.എസ് സുപ്രിംകോടതി ജഡ്ജിയെ തിരഞ്ഞെടുക്കാനായി സെനറ്റില്‍ നടന്ന പ്രാഥമിക വോട്ടെടുപ്പില്‍ ട്രംപിന്റെ നോമിനി ബ്രറ്റ് കാവനോഗിന് മുന്‍തൂക്കം. റിപ്പബ്ലിക്കന്‍ പാര്‍ട്ടിക്ക് മുന്‍തൂക്കമുള്ള സെനറ്റില്‍ ബ്രറ്റിനെ അനുകൂലിച്ച് 51 പേര്‍ വോട്ട് രേഖപ്പെടുത്തിയപ്പോള്‍ 49 പേര്‍ എതിര്‍ത്തു.
പരീക്ഷണ വോട്ടെടുപ്പ് മാത്രമാണ് ഇന്നലെ നടന്നത്. അന്തിമ തിരഞ്ഞെടുപ്പ് ഇന്ന് നടക്കും. ബ്രറ്റിനെതിരേ ലൈംഗിക പീഡന ആരോപണം ഉന്നയിച്ച് രണ്ട് വനിതകള്‍ രംഗത്തെത്തിയിരുന്നു. ഇതിനെ തുടര്‍ന്ന് സംഭവത്തില്‍ അന്വേഷണം നടത്തി തിരഞ്ഞെടുപ്പ് നീട്ടവയ്ക്കണമെന്ന് ഡെമോക്രാറ്റിക്ക് സെനറ്റര്‍മാര്‍ക്ക് പുറമെ റിപ്പബ്ലിക്കന്‍ അംഗങ്ങളും നേരത്തെ ആവശ്യപ്പെട്ടിരുന്നു.
അതിനിടെ ബ്രറ്റിനെതിരേ യു.എസ് സുപ്രിംകോടതിയുടെ സമീപത്തും സെനറ്റ് ഓഫിസിലും നടന്ന പ്രതിഷേധത്തില്‍ ആയിരക്കണക്കിന് പേര്‍ പങ്കെടുത്തു. ആക്ടിവിസ്റ്റുകള്‍, നടിമാര്‍ ഉള്‍പ്പെടെയുള്ള നൂറുകണക്കിന് പേരെ പൊലിസ് അറസ്റ്റ് ചെയ്തു.