ന്യൂഡല്‍ഹി: ഈ മാസം 27ന് സമാപിച്ച മീറ്റിങ് ഓഫ് ഷൂട്ടിങ് ഹോപ്‌സ് പോരാട്ടത്തില്‍ ഇന്ത്യന്‍ ജൂനിയര്‍ താരങ്ങള്‍ 11 മെഡലുകള്‍ സ്വന്തമാക്കി. ചെക്ക് റിപ്പബ്ലിക്കിലെ പില്‍സെനില്‍ നടന്ന പോരാട്ടത്തിലാണ് ഇന്ത്യന്‍ താരങ്ങളുടെ നേട്ടം. 23 രാജ്യങ്ങളില്‍ നിന്നായി 459 ഷൂട്ടിങ് താരങ്ങള്‍ പങ്കെടുത്തടൂര്‍ണമെന്റില്‍ റൈഫിള്‍, പിസ്റ്റള്‍ വിഭാഗത്തിലായി 14 മത്സരങ്ങളാണ് അരങ്ങേറിയത്. മൂന്ന് സ്വര്‍ണം നാല് വെള്ളി നാല് വെങ്കല മെഡലുകളാണ് ഇന്ത്യന്‍ താരങ്ങള്‍ വെടിവച്ചിട്ടത്.