റാഞ്ചി: ജാര്‍ഖണ്ഡ് തെരഞ്ഞെടുപ്പിന് മുന്നോടിയായി പ്രകടനപത്രിക പുറത്തിറക്കി ഇന്‍ഡ്യ സഖ്യം. യുവജനങ്ങള്‍, വനിതകള്‍, ന്യൂനപക്ഷങ്ങള്‍ എന്നിവരെ ലക്ഷ്യംവെച്ച് ഏഴ് വാഗ്ദാനങ്ങളാണ് പത്രികയിലുള്ളത്. 

15 ലക്ഷം രൂപ വരെയുള്ള കുടുംബ ഇന്‍ഷുറന്‍സ് നടപ്പാക്കും. 10 ലക്ഷം തൊഴില്‍ അവസരങ്ങള്‍ സൃഷ്ടിക്കും. വനിതകള്‍ക്ക് 2500 രൂപ ധനസഹായം അനുവദിക്കും. ഓരോ വ്യക്തിക്കും ഏഴ് കിലോ റേഷന്‍, സാമ്പത്തികമായി പിന്നാക്കം നില്‍ക്കുന്ന കുടുംബങ്ങള്‍ക്ക് 450 രൂപ നിരക്കില്‍ എല്‍പിജി സിലിണ്ടറുകള്‍, നെല്ലിന്റെ താങ്ങുവില 2400 ല്‍ നിന്ന് 32,00 രൂപയാക്കി ഉയര്‍ത്തും എന്നിങ്ങനെയാണ് വാഗ്ദാനങ്ങള്‍. 

അതേസമയം ജാര്‍ഖണ്ഡില്‍ രണ്ട് ഘട്ടമായാണ് തെരഞ്ഞെടുപ്പ്. ആദ്യ ഘട്ടം നവംബര്‍ 13നും രണ്ടാംഘട്ടം നവംബര്‍ 20നും നടക്കും. വോട്ടെണ്ണല്‍ നവംബര്‍ 23നാണ്. ആദ്യഘട്ട വോട്ടെടുപ്പിന്റെ നാമനിര്‍ദേശ പത്രിക സമര്‍പ്പിക്കാനുള്ള സമയ പരിധി ഒക്ടോബര്‍ 25 വരെയായിരുന്നു.

Jharkhand Election The India Alliance released a manifesto with seven promises