കുവൈത്ത് സിറ്റി: അടുത്ത വര്‍ഷത്തേക്കുള്ള ഹജ്ജ് തീര്‍ത്ഥാടനത്തിന്റെ രജിസ്‌ട്രേഷന്‍ ഔഖാഫ് മന്ത്രാലയം ആരംഭിച്ചു. 1600 ദീനാര്‍ മുതല്‍ 1700 ദീനാര്‍ വരെയാണ് ഒരാള്‍ക്ക് നിരക്ക്. സെന്‍ട്രല്‍ രജിസ്‌ട്രേഷന്‍ അപ്ലിക്കേഷനുകളും വെബ്‌സൈറ്റുകളും ആരംഭിച്ചതിനാല്‍ ഹജ്ജ് നിരക്കില്‍ വലിയ കുറവുണ്ടായതായി ഹജ്ജ്-ഉംറ വകുപ്പ് ഡയറക്ടര്‍ സത്താം അല്‍മുസൈന്‍ അറിയിച്ചു. 3800 കുവൈത്ത് ദീനാറില്‍ നിന്നും 1700 ദീനാറായാണ് കുറഞ്ഞത്.

സമീപകാലത്ത് ഹജ്ജ് ചട്ടങ്ങളിലുണ്ടായ മാറ്റങ്ങളും സഊദി ക്യാമ്പുകളിലെ മികച്ച സേവനങ്ങളും ലൈസന്‍സുള്ള ഹജ്ജ് സംഘങ്ങളുടെ മത്സരങ്ങളുമാണ് വിലക്കുറവിലേക്ക് നയിച്ചത് എന്ന് സത്താം പറഞ്ഞു. സേവന നിലവാരം മെച്ചപ്പെടുത്തിക്കൊണ്ട് തന്നെ 40 ശതമാനത്തോളം ഇടിവാണ് രേഖപ്പെടുത്തിയത്. ഈ ആഴ്ച അവസാനത്തോടെ ഹജ്ജുമായി ബന്ധപ്പെട്ട നിരക്കുകളും ബന്ധപ്പെടാനുള്ള വിവരങ്ങളും മന്ത്രാലയം പുറത്തുവിടുമെന്നാണ് പ്രതീക്ഷ. നവംബര്‍ പതിനേഴ് വരെയാണ് രജിസ്‌ട്രേഷന്‍ തുടരുക.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Kuwait has announced a significant 40% decrease in Hajj pilgrimage fees, providing relief to pilgrims traveling for the sacred Islamic ritual. This reduction aims to make the journey more accessible and affordable for citizens and residents.