കാലവര്‍ഷക്കാലത്ത് ത്വക് സംരക്ഷണം ഏറെ പ്രധാനപ്പെട്ടതാണെന്നോര്‍ക്കണം.ഈര്‍പ്പമുള്ള കാലാവസ്ഥ വരുന്നതോടെ ഇന്‍ഫെക്ഷനും ചൊറിച്ചിലും പാടുകളും തൊലിപ്പുറത്ത് പ്രത്യക്ഷപ്പെടുകയായി. ആയുര്‍വേദം നിര്‍ദേശിക്കുന്ന ചില പൊടിക്കൈ പ്രയോഗങ്ങളിലൂടെ ചര്‍മ സംരക്ഷണം സാധ്യമാക്കാവുന്നതേയുള്ളൂ.

വേപ്പില

ആന്റിബാക്ടീരിയലും ആന്റിവൈറലും ആന്റി ഇന്‍ഫ്‌ളമേറ്ററിയുമാണ് വേപ്പില. മുഖക്കുരു, തൊലിപ്പുറത്തെ നിറവ്യത്യാസം, പൊട്ടലുകളും വിണ്ടുകീറലുമൊക്കെ വേപ്പില ചികിത്സയിലൂടെ മാറ്റാം. വേപ്പില വെള്ളത്തില്‍ സ്‌നാനം ചെയ്യുകയാണ് പ്രതിവിധി. ഭക്ഷണത്തോടൊപ്പം വേപ്പില അകത്താക്കുന്നതും നല്ലതുതന്നെ. അതുപോലെ വേപ്പെണ്ണ തൊലിപ്പുറത്ത് പ്രശ്‌നബാധിത സ്ഥലത്ത് പുരട്ടുന്നതും ശാന്തിതരും.

ആയുര്‍വേദ ചായ

ആയുര്‍വേദ ചായ എന്നു കേള്‍ക്കുമ്പോള്‍ നെറ്റി ചുളിക്കേണ്ട. നമ്മുടെ തുളസി, ഏലം, ഇഞ്ചി, ഗ്രീന്‍ ടീ, ഇഞ്ചിപ്പുല്ല്, ജമന്തിപ്പൂവ് ഇവയൊക്കെ ചേര്‍ന്ന ചായ കുടിക്കുക എന്നതാണ് ഉദ്ദേശിക്കുന്നത്. ഇത് ശരീരത്തെ മൊത്തമായി ശുദ്ധീകരിക്കാന്‍ സഹായിക്കുന്നു. മഴക്കാലത്ത് വറുത്തതും പൊരിച്ചതുമായ ഭക്ഷണ പദാര്‍ഥങ്ങള്‍ കഴിക്കാന്‍ താല്‍പര്യം കൂടുകയും അത് ത്വക്കിന് അസ്വാസ്ഥ്യത്തിന് കാരണമാവുകയും ചെയ്യുന്നു. കൂടുതല്‍ ജങ്ക് ഫുഡ് കഴിക്കുന്നതും സ്‌പൈസസ് അകത്താക്കുന്നതും വിപരീത ഫലമുണ്ടാക്കും. ആയുര്‍വേദ ഹെര്‍ബല്‍ ചായ വഴി ശരീരം ശുദ്ധമാവുകയും അതുവഴി ചര്‍മരോഗങ്ങള്‍ തടയുകയും ചെയ്യാം. ചുമ, ജലദോഷം എന്നിവയ്ക്കും ഈ ചായ ഉത്തമമാണ്.

കറ്റാര്‍വാഴ

കറ്റാര്‍വാഴ ചര്‍മത്തിന് അഴകേറ്റാന്‍ ഉത്തമമാണ്. ഇതില്‍ ആന്റി ഇന്‍ഫ്‌ളമേറ്ററി ഘടകങ്ങള്‍ അടങ്ങിയിരിക്കുന്നു. ഇത് ത്വകിനെ സ്വാഭാവിക രീതിയില്‍ തനിമയോടെ സൂക്ഷിക്കാന്‍ സഹായിക്കുന്നു. ചൊറിച്ചിലും പാടുകളും പോക്കുന്നതിനും കറ്റാര്‍ വാഴ ജെല്‍ ഉപകരിക്കും. തൊലിപ്പുറത്തെ പൊട്ടലിനും കറ്റാര്‍വാഴ ജെല്‍ ഉപ