ബംഗളൂരു: കര്‍ണാടകത്തില്‍ ഭരണപ്രതിസന്ധി സൃഷ്ടിച്ച 14 വിമതരെയും കോണ്‍ഗ്രസില്‍ നിന്ന് പുറത്താക്കി. കര്‍ണാടക പി.സി.സി അധ്യക്ഷന്റെ ശുപാര്‍ശ ഹൈക്കമാന്റ് അംഗീകരിക്കുകയായിരുന്നു. നേരത്തെ ഇവരെ പാര്‍ട്ടിയില്‍നിന്ന് പുറത്താക്കണമെന്നാവശ്യപ്പെട്ട് കെ.പി.സി.സി ഹൈക്കമാന്റിനെ സമീപിച്ചിരുന്നു.

നേരത്തെ വിമത എം.എല്‍.എമാരെ സ്പീക്കറായിരുന്ന കെ.ആര്‍ രമേശ് കുമാര്‍ അയോഗ്യരാക്കിയിരുന്നു. ഇതിനു ശേഷം നടന്ന വിശ്വാസ വോട്ടെടുപ്പില്‍ യെദിയൂരപ്പ വിജയിക്കുകയും ചെയ്തിരുന്നു.