ന്യൂഡല്‍ഹി: ശബരിമല സ്ത്രീ പ്രവേശനം സംബന്ധിച്ച പുനഃപരിശോധന ഹരജികള്‍ അടിയന്തിരമായി പരിഗണിക്കില്ലെന്ന് സുപ്രിം കോടതി. അടിയന്തരമായി പരിഗണിക്കണമെന്നാവശ്യപ്പെട്ട് സമര്‍പ്പിച്ച ഹരജി ചീഫ് ജസ്റ്റിസ് രഞ്ജന്‍ ഗോഗോയ് തള്ളി.

തേര്‍ഡ് പാര്‍ട്ടി റിവ്യൂ പെറ്റീഷന്‍ നല്‍കിയ ശൈലജ വിജയന്റെ അഭിഭാഷകന്‍ ആണ് ഹരജി നേരത്തെ കേള്‍ക്കണം എന്ന് സുപ്രിം കോടതിയില്‍ ആവശ്യപ്പെട്ടത്. കേസില്‍ നേരത്തെ കക്ഷി പോലും ആയിരുന്നില്ല ശൈലജ വിജയന്‍. തുലാമാസ പൂജകള്‍ക്കായി ഈ മാസം നട തുറക്കാന്‍ പോകുന്നതിനാല്‍ ഹരജി വേഗത്തില്‍ പരിഗണിക്കണമെന്നായിരുന്നു ഹരജിക്കാരിയുടെ ആവശ്യം.