മക്ക: സമസ്ത ഇസ്‌ലാമിക് സെന്റര്‍ മക്ക സെന്‍ട്രല്‍ കമ്മിറ്റിക്ക് കീഴില്‍ നടക്കുന്ന മജ്‌ലിസുന്നൂര്‍ പരിപാടിയുടെ 6ാം വാര്‍ഷികം മക്ക അജിയാദ് മര്‍ഹും ലത്തീഫ് ഹാജി നഗറില്‍ നടന്നു. മജ്‌ലിസുന്നൂര്‍ ആത്മീയ സംഘമം എസ് കെ എസ് എസ് എഫ് മലപ്പുറം ജില്ല പ്രസിഡണ്ട് സയ്യിദ് ഫഖ്‌റുദ്ധീന്‍ ഹസനി തങ്ങള്‍ കണ്ണന്തള്ളി ഉത്ഘാടനം ചെയ്തു. എസ് ഐ സി സഊദി നാഷണല്‍ കമ്മിറ്റി ട്രഷറര്‍ അബ്ദുല്‍ കരീം ബാഖവി പൊന്മള അദ്ധ്യക്ഷത വഹിച്ചു. അബ്ദു സമദ് പൂക്കോട്ടൂര്‍ മുഖ്യ പ്രഭാഷണം നടത്തി.

കോങ്ങാട് മുദരിസ് സൈതാലി കുട്ടി ഫൈസി മജ്‌ലിസുന്നൂറിന്ന് നേതൃത്വം നല്‍കി. എംപി കടുങ്ങല്ലൂര്‍, ആനമങ്ങാട് മുഹമ്മദ് കുട്ടി ഫൈസി, സിഎച്ച് ത്വയ്യിബ് ഫൈസി, മജീദ് ഫൈസി കിഴിശ്ശേരി, കുഞ്ഞിമോന്‍ കാക്കിയ, മുജീബ് പൂക്കോട്ടൂര്‍, ഹംസ ഹാജി മണ്ണാര്‍മല, സൈനുദ്ധീന്‍ അന്‍വരി മണ്ണാര്‍ക്കാട്, അഷ്‌റഫ് മിസ്ബാഹി, തുടങ്ങിയവര്‍ പ്രസഗിച്ചു. റഫീഖ് ഫൈസി മണ്ണാര്‍ക്കാട് സ്വാഗതവും നാസര്‍ അന്‍വരി നന്ദിയും പറഞ്ഞു.