അബൂദബി: യുഎഇ ഇതുവരെ വിദേശ രാജ്യങ്ങൾക്ക് നൽകിയത് കോടികളുടെ സഹായം. 36,000 കോടി ദിർഹത്തിൻ്റെ സഹായമാണ് യുഎഇ രൂപീകൃതമായത് മുതൽ ഈ വർഷം പകുതി വരെയുള്ള കണക്കനുസരിച്ച് മറ്റു രാജ്യങ്ങൾക്ക് നൽകിയിട്ടുള്ളത്.

വികസനത്തിലേക്കു കുതിക്കുമ്പോഴും യുഎഇ അശരണരെ ചേർത്തുപിടിക്കുകയാണ്. പ്രകൃതി ദുരന്തങ്ങൾ, യുദ്ധം ദാരിദ്ര്യം എന്നിവ മൂലം ദുരിതത്തിലായവർക്കാണ് സഹായമെത്തിച്ചത്. ഇതു കൂടാതെയാണ് പട്ടിണിയകറ്റാനും കുടിവെള്ളമെത്തിക്കാനും വിദ്യാഭ്യാസ ഉന്നമനത്തിനും ചികിത്സയ്ക്കുമായി യുഎഇ പദ്ധതികൾ പ്രഖ്യാപിച്ചത്.

അതേസമയം ദേശീയ, രാജ്യാന്തര ജീവകാരുണ്യ പ്രവർത്തനങ്ങൾ ഏകോപിപ്പിക്കുന്നതിനായി രൂപീകരിച്ച എർത്ത് സായിദ് എന്ന പുതിയ ജീവകാരുണ്യ സ്‌ഥാപനത്തിൻ്റെ പ്രവർത്തനങ്ങൾക്കായി 2000 കോടി ദിർഹം മാറ്റിവക്കാനും പ്രസിഡൻ്റ് ഷെയ്‌ഖ് മുഹമ്മദ് ബിൻ സായിദ് അൽ നഹ്യാൻ ഉത്തരവിട്ടു. ആഗോള ജനതയുടെ ജീവിതം മെച്ചപ്പെടുത്തുക, ക്ഷേമം ഉറപ്പാക്കുക, വ്യക്തികളെ ശാക്തീകരിക്കുക, ജനങ്ങളുടെ ക്ഷേമവും സുരക്ഷയും സ്‌ഥിരതയും ഉറപ്പാക്കുക എന്നിവയാണ് പദ്ധതിയുടെ മറ്റു പ്രധാന ലക്ഷ്യങ്ങൾ.

The United Arab Emirates is celebrating 53 years since its formation, marking a major milestone in its history, and has provided AED 36,000 crore in aid to various countries and causes.