യുഎഇ ദേശീയ ദിന ആഘോഷവേളയിൽ 35,000 എമർജൻസി കോളുകൾ ലഭിച്ചതായി ഷാർജ പൊലിസ് അറിയിച്ചു. യുഎഇ ദേശീയ ദിന ആഘോഷവേളയിൽ തങ്ങളുടെ 999 & 901 നമ്പറുകളിലേക്ക് മൊത്തം 41,443 കോളുകൾ വന്നതായി ഷാർജ പൊലിസ് വ്യക്തമാക്കി. 999 എമർജൻസി കോൾ സെൻ്റർ 35,123 കോളുകളും 901 നോൺ എമർജൻസി സെന്ററിൽ 6,320 കോളുകളും കൈകാര്യം ചെയ്തുവെന്നും ഷാർജ പൊലിസ് അറിയിച്ചു.

ആഘോഷ സ്ഥലങ്ങൾ, പാർക്കുകൾ, പാർപ്പിട പരിസരങ്ങൾ, ഷാർജയിലെയും കിഴക്കൻ, മധ്യ പ്രദേശങ്ങളിലെയും ആന്തരികവും ബാഹ്യവുമായ റോഡുകൾ എന്നിവിടങ്ങളിലായി 241 പട്രോളിംഗ് യൂണിറ്റുകളെയും വിന്യസിച്ചിരുന്നു. ഇത് മരണവും ഗുരുതരമായ മറ്റ് അപകടങ്ങളും ഉണ്ടാകാതിരിക്കാൻ സഹായിച്ചിരുന്നു. 

ഇൻകമിംഗ് കോളുകൾക്കും ദ്രുത സംഭവങ്ങൾ കൈകാര്യം ചെയ്യുന്നതിനും ഫലപ്രദമായ മാർ​ഗങ്ങൾ ഉറപ്പാക്കുന്നതിന് സെൻട്രൽ, കിഴക്കൻ മേഖലകളിലെ എല്ലാ ഓപ്പറേഷൻ റൂമുകളെയും ഏകോപിപ്പിച്ച് കഴിഞ്ഞ വാരാന്ത്യത്തിൽ അവധി ആരംഭിച്ചതു മുതൽ ഓപ്പറേഷൻ സെൻ്റർ അതീവ ജാഗ്രത പുലർത്തിയിരുന്നു. ആഘോഷം ഉത്തരവാദിത്തത്തോടെ അനിഷ്ഠ സംഭവങ്ങലില്ലാതെ മുന്നോട്ടു കൊണ്ടുപോയ സമൂഹത്തിന് ഷാർജ പൊലിസിന്റെ ജനറൽ കമാൻഡ് നന്ദി പറഞ്ഞു.

On the UAE's 53rd National Day, Sharjah Police received 35,000 emergency calls, highlighting the importance of safety and security during celebrations