പെരിന്തല്‍മണ്ണ: പൂവത്താണി ചോരാണ്ട@ി റോഡില്‍ ചോരാണ്ട@ി കുളത്തിന് സമീപ പ്രദേശങ്ങളില്‍ മാലിന്യം തള്ളുന്നത് പതിവാകുന്നു. ഇവിടെ റോഡിനിരുവശവും കാടുകള്‍ നിറഞ്ഞതിനാല്‍ മാലിന്യം തള്ളിയാല്‍ പെട്ടെന്ന് ശ്രദ്ധയില്‍പെടില്ല.
മാലിന്യം ഭക്ഷിക്കാനെത്തുന്ന തെരുവ് നായകള്‍ കാരണം കാല്‍നട യാത്രക്കാര്‍ക്കും ഇരു ചക്രവാഹന യാത്രക്കാരും ഭീതിയിലാണ്.
ആളൊഴിഞ്ഞ പ്രദേശമായതില്‍ രാത്രയിലാണ് മാലിന്യം തള്ളുന്നതെന്ന് നാട്ടുകാര്‍ പറയുന്നു. റോഡിനിരുവശവുമുള്ള കാട് വെട്ടിയാല്‍ മാലിന്യം തള്ളുന്നതിന് ഒരു പരിധിവരെ പരിഹാരം കാണാനാകും. റോഡിനിരുവശത്തെ കാട് കാരണം വലിയ വാഹനങ്ങള്‍ വന്നാല്‍ മറ്റു വാഹനങ്ങള്‍ക്ക് ഇവിടെ സൈഡ് നല്‍കാനും കഴിയാറില്ല.