പത്തനംതിട്ട: അടൂരില്‍ സി. പി. എം മുന്‍ ഏരിയാകമ്മിറ്റിയംഗം ഉള്‍പ്പടെ നൂറോളംപേര്‍ സി. പി. ഐയില്‍ ചേര്‍ന്നു. അടൂര്‍ മുന്‍ ഏരിയാകമ്മിറ്റിയംഗം പ്രൊഫ. കെ. ആര്‍ ശങ്കരനാരായണന്‍, എസ്. എഫ്. ഐ സംസ്ഥാന ജോയിന്റ് സെക്രട്ടറിയായിരുന്ന വി ഹരി, ഡി. വൈ. എഫ്. ഐ മുന്‍ ജില്ലാ വൈസ് പ്രസിഡന്റ് ടി പ്രകാശ്, സി. പി. എം ജില്ലാ ഓഫിസ് മുന്‍ സെക്രട്ടറി സി. പി സുഭാഷ്, ലോക്കല്‍ കമ്മിറ്റി അംഗമായിരുന്ന മണക്കാല രാജേഷ് ഉള്‍പ്പടെ നൂറോളംപേരാണ് സി. പി. ഐയില്‍ ചേര്‍ന്നത്.
ഇവര്‍ക്കുള്ള സ്വീകരണയോഗം സി. പി. ഐ സംസ്ഥാന എക്‌സിക്യൂട്ടീവ് കമ്മിറ്റിയംഗം കെ. ആര്‍ ചന്ദ്രമോഹന്‍ ഉദ്ഘാടനം ചെയ്തു. പ്രൊഫ. കെ. ആര്‍ ശങ്കരനാരായണന്‍ അധ്യക്ഷനായി. എ.പി ജയന്‍, മുണ്ടപ്പള്ളി തോമസ്, ഡി സജി, ടി മുരുകേഷ്, കെ. എസ് അരുണ്‍ പ്രസംഗിച്ചു.