പുത്തനത്താണി: സഹോദരിമാരായ വിദ്യാര്‍ഥിനികളെ പീഡിപ്പിച്ച കേസില്‍ രണ്ടുപേര്‍ അറസ്റ്റില്‍. തിരൂര്‍ മുട്ടന്നൂര്‍ സ്വദേശി കൊടക്കാട്ടില്‍ കളരിക്കല്‍ നിപിന്‍ദാസ് (23), പൊന്മുണ്ടം ചോലപ്പുറം സ്വദേശി കണ്ണംപള്ളി സുഷാന്ത് (23) എന്നിവരാണ്  അറസ്റ്റിലായത്.

മറ്റൊരു പ്രതിക്കായി തിരച്ചില്‍ ഊര്‍ജിതമാക്കിയിട്ടുണ്ട്. ആറും പത്തും ക്ലാസുകളില്‍ പഠിക്കുന്ന വിദ്യാര്‍ഥിനികളാണ് പീഡനത്തിനിരയായത്. നഗ്നചിത്രങ്ങള്‍ പ്രചരിപ്പിക്കുമെന്നുപറഞ്ഞ് ഭീഷണിപ്പെടുത്തി ഇവര്‍ നിരന്തരം പീഡിപ്പിക്കുകയായിരുന്നുവെന്ന് വളാഞ്ചേരി സി.ഐ കെ.എം സുലൈമാന്‍, കല്‍പകഞ്ചേരി എസ്.ഐ പി.എം ഷെമീര്‍ എന്നിവര്‍ വാര്‍ത്താസമ്മേളനത്തില്‍ പറഞ്ഞു.

മാതാവും പിതാവും ജോലിക്കുപോയ സമയത്താണ് പീഡിപ്പിച്ചത്. 2014ല്‍ ഓണം അവധി സമയത്താണ് പീഡനം ആരംഭിക്കുന്നത്. ഇതില്‍ പിടികൂടാനുള്ള പ്രതി പ്രണയം നടിച്ചാണ്  പെണ്‍കുട്ടിയെ പീഡിപ്പിച്ചത്.

ചൈല്‍ഡ് ലൈന്‍ പൊലിസിനു നല്‍കിയ വിവരത്തിന്റെ അടിസ്ഥാനത്തിലാണ് പ്രതികള്‍ പിടിയിലാകുന്നത്.
കുട്ടികളെ മഞ്ചേരി മെഡിക്കല്‍ കോളജില്‍വച്ച് വൈദ്യപരിശോധനക്കു വിധേയമാക്കുകയും മൊഴിയെടുക്കുകയും ചെയ്തു.
സി.പി.ഒ മാരായ ശ്രീകുമാര്‍, എസ്. പ്രവീണ്‍, ഡി.ജി പ്രവീണ്‍, ബുഷ്‌റ, സതി എന്നിവരും അന്വേഷണസംഘത്തിലുണ്ടായിരുന്നു.