ആലപ്പുഴ: സീതാറാം യച്ചൂരിക്ക് എതിരെ ഡല്‍ഹിയില്‍ ഹിന്ദുത്വ വര്‍ഗീയ വാദികള്‍ നടത്തിയ ആക്രമത്തില്‍ പ്രതിഷേധിച്ച് എ. ഐ.വൈ.എഫ് എ.ഐ.എസ്.എഫ് നേതൃത്വത്തില്‍ ആലപ്പുഴ നഗരത്തില്‍ പ്രതിഷേധ പ്രകടനം നടത്തി. തുടര്‍ന്ന് നടന്ന പ്രതിഷേധ സമ്മേളനം എ.ഐ.എസ്.എഫ് സംസ്ഥാന എക്‌സിക്യൂട്ടീവ് അംഗം എം കണ്ണന്‍ ഉദ്ഘാടനം ചെയ്തു. ജില്ലാ ജോയിന്റ് സെക്രട്ടറി കെ എസ് ജയന്‍, ജില്ലാ എക്‌സിക്യൂട്ടീവ് അംഗം ഇ ഇസഹാക്ക്, ജില്ല് കൗണ്‍സില്‍ അംഗം ബി ഷംനാദ് എന്നിവര്‍ സംസാരിച്ചു. സത്താര്‍, ഉമേഷ്, വെങ്കിടേഷ് തുടങ്ങിയവര്‍ പ്രകടനത്തിന് നേതൃത്വം നല്‍കി.