വെഞ്ഞാറമൂട്: കാറില്‍ ഉരസി എന്ന് ആരോപിച്ച് കെ.എസ്.ആര്‍.ടി.സി ഡ്രൈവറെ സംഘം ചേര്‍ന്ന് മര്‍ദിച്ചതായി പരാതി. ഈരാറ്റുപേട്ട ഡിപ്പോയിലെ ഡ്രൈവര്‍ കെ.ആര്‍ മനീഷ് കുമാര്‍ (45) നാണ് മര്‍ദനമേറ്റന്ന് കാണിച്ച് വെഞ്ഞാറമൂട് സര്‍ക്കിള്‍ ഇന്‍സ്പക്ടര്‍ക്ക് പരാതി നല്‍കിയത്. ഇന്നലെ വൈകിട്ട് വെമ്പായം ജങ്ഷന് സമീപത്ത് വച്ചായിരുന്നു സംഭവം.
ചേന്നാട് നിന്നും തിരുവനന്തപുരത്തേയ്ക്ക് പോകുകയായിരുന്ന ബസിന് കുറുകേ കാര്‍ നിര്‍ത്തുകയും ബസില്‍ നിന്ന് പുറത്തിറക്കിയ ഡ്രൈവറെ കാര്‍ ഡ്രൈവറും, യാത്രക്കാരും സംഘം ചേര്‍ന്ന് മര്‍ദിക്കുകയുമായിരുന്നു.
തളര്‍ന്ന് അവശനായ ഡ്രൈവറെ കന്യാകുളങ്ങര കമ്മ്യൂനിറ്റി ഹെല്‍ത്ത് സെന്ററിലും അവിടെ നിന്ന് തിരുവനന്തപുരം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.