കഠിനംകുളം:  റീയോഡി ജനീറോയില്‍ നടക്കുന്ന സമ്മര്‍ ഒളിമ്പിക്‌സില്‍ മെഡല്‍ നേടുന്ന  കേരളത്തിലെ കായിക താരങ്ങളെ  പുരസ്‌കാരങ്ങള്‍ നല്‍കി ആദരിക്കുമെന്ന് മന്ത്രി ഇ.പി.ജയരാജന്‍ പറഞ്ഞു. സമ്മര്‍ ഒളിമ്പിക്‌സില്‍ പങ്കെടുക്കുന്നവര്‍ക്കു  ഐക്യദാര്‍ഢ്യം പ്രഖ്യാപിച്ച് സായിയും എല്‍.എന്‍.സി.പിയും സംയുക്തമായി സംഘടിപ്പിച്ച റണ്‍ ഫോര്‍ റീയോ കൂട്ടയോട്ടം ഫ്‌ളാഗ് ഓഫ് ചെയ്തു സംസാരിക്കുകയായിരുന്നു മന്ത്രി .സമ്മര്‍ ഗെയിംസ് കേരളിയര്‍ക്ക് തല്‍സമയം കാണുവാന്‍ വിപുലമായ സംവിധാനം ഒരുക്കുമെന്നും അദ്ദേഹം പറഞ്ഞു.
കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലെ പ്രധാന കവാടത്തില്‍ നിന്ന് ആരംഭിച്ച റണ്‍ ഫോര്‍ റിയോ കൂട്ടയോട്ടത്തില്‍ മന്ത്രിമാരായ ഇ.പി ജയരാജന്‍, കടകംപള്ളി സുരേന്ദ്രന്‍, മേയര്‍ വി.കെ.പ്രശാന്ത് തുടങ്ങിരണ്ടായിരത്തോളം പേര്‍  അണിനിരന്നു.