കുറ്റ്യാടി: തുടര്‍ച്ചയായ രണ്ട് ദിവസത്തെ ഹര്‍ത്താലില്‍ ഇതര സംസ്ഥാന തൊഴിലാളികളും വലഞ്ഞു. കടകള്‍ തുറക്കാതായതോടെ ഭക്ഷണ സാധനങ്ങള്‍ ലഭിക്കാതെ പലരും വലിയ ബുദ്ധിമുട്ടിലായി.
നിത്യേന ജോലി ചെയ്ത് അന്നന്നത്തെ സാധനങ്ങള്‍ വാങ്ങി ഭക്ഷണം തയാറാക്കുന്നവരാണ് ഏറെയും.
കടകള്‍ അടഞ്ഞു കിടന്നതോടെ സാധനങ്ങള്‍ ഒന്നും കിട്ടാത്ത സ്ഥിതിയായി. തൊഴിലാളികളില്‍ പലരും നോമ്പ് നോല്‍ക്കുന്നവരുമാണ്.
വെള്ളിയാഴ്ചത്തെ ഹര്‍ത്താല്‍ കഴിഞ്ഞ് സാധനങ്ങള്‍ വാങ്ങാമെന്ന് പ്രതീക്ഷിച്ചിരിക്കുമ്പോഴാണ് ശനിയാഴ്ചയും ഹര്‍ത്താലാണെന്ന വാര്‍ത്ത പരന്നത്. അപ്പോഴേക്കും തുറന്ന കടകള്‍ പലതും അടച്ചു കഴിഞ്ഞിരുന്നു.