കോട്ടപ്പുറം: നിര്‍മാണം നീളുന്ന കോട്ടപ്പുറം-അച്ചാംതുരുത്തി പാലം അടിയന്തിരമായി പൂര്‍ത്തീകരിക്കണമെന്ന് എന്‍.എ നെല്ലിക്കുന്ന്  എം.എല്‍.എ  അധികൃതരോട് ആവശ്യപ്പെട്ടു. സ്ഥലം സന്ദര്‍ശിച്ച്  പാലത്തിന്റെ നിര്‍മാണ പുരോഗതി വിലയിരുത്തിയ ശേഷം സംസാരിക്കുകയായിരുന്നു അദ്ദേഹം. അധികാരികള്‍ ഓരോ തവണയും ഓരോ അവധി പറഞ്ഞു നീട്ടിക്കൊണ്ടു പോകുന്നത് പ്രദേശത്തെ ജനങ്ങളോടു കാണിക്കുന്ന അവഗണയാണെന്ന് അദ്ദേഹം അഭിപ്രായപ്പെട്ടു.   ഇതുമായി ബന്ധപ്പെട്ട് പൊതുമരാമത്തു മന്ത്രിയെ സന്ദര്‍ശിക്കുമെന്നും പൊതുമരാമത്ത് വകുപ്പ് വിഭാഗം എന്‍ജിനിയര്‍മാരുമായി ചര്‍ച്ച നടത്തുമെന്നും അദ്ദേഹം അറിയിച്ചു. മുസ്‌ലിം ലീഗ് നേതാക്കളായ റഫീഖ് കോട്ടപ്പുറം, അബ്ദുള്‍ റസാഖ് തായിലക്കണ്ടി, ഇ.കെ മജീദ് എന്നിവര്‍ അദ്ദേഹത്തോടോപ്പമുണ്ടായിരുന്നു.