ന്യൂഡല്‍ഹി: കേന്ദ്ര തെരഞ്ഞെടുപ്പ് കമ്മിഷന്റെ ഡല്‍ഹിയിലെ ഓഫിസില്‍ തീപിടുത്തം. അശോക റോഡിലെ ഓഫിസിന്റെ ആദ്യ നിലയിലാണ് തീ പടര്‍ന്നത്. ഇന്ന് ഉച്ചയ്ക്ക് 12 മണിയോടെയാണ് സംഭവം.

ഓഫിസിനുള്ളിലെ സ്വിച്ച് ബോര്‍ഡില്‍ നിന്ന് ഉണ്ടായ ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് വിവരം.

എന്നാല്‍ പത്ത് മിനിറ്റിനകം തീയണച്ചുവെന്നും ആര്‍ക്കും പരുക്കേറ്റിട്ടില്ലെന്നും അധികൃതര്‍ വ്യക്തമാക്കി.