മണ്ണഞ്ചേരി: ട്രെയിനില്‍ കയറുന്നതിനിടെ കാല്‍വഴുതി പാളത്തിലേക്കുവീണ യുവതി അത്ഭുതകരമായി രക്ഷപ്പെട്ടു.
അപകടം ഗാര്‍ഡിന്റെ ശ്രദ്ധയില്‍പെട്ടതിനാല്‍ ഇയാള്‍ അപകടസന്ദേശം നല്‍കിയശേഷം യാത്രക്കാരുടെ സഹായത്തോടെ യുവതിയെ രക്ഷപ്പെടുത്തി.  ആലപ്പുഴയ്ക്ക് വടക്ക് കലവൂര്‍ റെയില്‍വേ സ്റ്റേഷനിലായിരുന്നു സംഭവം. മാരാരിക്കുളം തെക്ക് സ്വദേശിനിയായ യുവതി  ട്രെയിനില്‍ കയറുന്നതിനിടയിലാണ് കാല്‍വഴുതി പ്ലാറ്റ്‌ഫോമിനും ട്രെയിനിനും ഇടയിലേക്ക് വീണത്. നിസാരമായ പരുക്കുകള്‍ സംഭവിച്ച ഇവര്‍ ഈ ട്രയിനില്‍ തന്നെ എറണാകുളത്തേക്ക് പോയി.