ചങ്ങരംകുളം: കോക്കൂര്‍ ഗവ. ടെക്‌നിക്കല്‍ ഹൈസ്‌കൂളിനെ പോളിടെക്‌നിക്കായി ഉയര്‍ത്താന്‍ ശ്രമിക്കുമെന്ന് സ്പീക്കര്‍ പി ശ്രീരാമകൃഷ്ണന്‍ പറഞ്ഞു. ടി.എച്ച്.എസ്.എല്‍.സി പരീക്ഷയില്‍ മികച്ച വിജയംനേടിയ വിദ്യാര്‍ഥികളെ അനുമോദിക്കുന്ന ചടങ്ങ് ഉദ്ഘാടനംചെയ്യുകയായിരുന്നു അദ്ദേഹം.
പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് പി.എം ആറ്റുണ്ണി തങ്ങള്‍ അധ്യക്ഷനായി. ജോയിന്റ് ഡയറക്ടര്‍ എന്‍ ശാന്തകുമാര്‍, ജില്ലാപഞ്ചായത്ത് അംഗം എം.ബി ഫൈസല്‍, പി.പി രാജന്‍, പി വിജയന്‍, ആലങ്കോട് സുരേഷ്, എ.പി ബാലകൃഷ്ണന്‍, സൂപ്രണ്ട് കെ.ജി സാബു തുടങ്ങിയവര്‍ സംസാരിച്ചു. യുവശാസ്ത്രജ്ഞന്‍ അവാര്‍ഡ് നേടിയ പൂര്‍വവിദ്യാര്‍ഥി ആഷിഖ് അഷ്‌റഫിനെ ചടങ്ങില്‍ അനുമോദിച്ചു. ദേശീയ യോഗ ഒളിംപ്യാഡില്‍ കേരളത്തിനുവേണ്ടി മത്സരിക്കുന്ന ഒന്‍പതാംക്ലാസ് വിദ്യാര്‍ഥി ആര്യ എസ് സുരേഷിന് യാത്രയയപ്പ് നല്‍കി.