പെരിന്തല്‍മണ്ണ: മാനവ സഹോദര്യത്തിന്റെയും മത മൈത്രിയുടെയും പ്രതീകമാകുകയാണ് 84 കാരനായ അപ്പുമാസ്റ്റര്‍.
ആലിപറമ്പ് പഞ്ചായത്ത് 21ാം വാര്‍ഡ് ശിഹാബ് തങ്ങള്‍ റിലീഫ് സെല്ലിന്റെ ആഭിമുഖ്യത്തില്‍ നിര്‍ധനരായ അന്‍പതോളം കുടുംബങ്ങള്‍ക്ക് അരി വിതരണം നടത്തിയപ്പോള്‍ അരി മുഴുവന്‍ സംഭാവന ചെയ്തത് അപ്പു മാസ്റ്ററാണ്. ആനമങ്ങാട് ചെത്തനാംകുര്‍ശ്ശി പാലംപള്ളിയാലില്‍ ബാലകൃഷ്ണന്‍ നായര്‍ എന്ന അപ്പുമാഷ് കഴിഞ്ഞ നബിദിനത്തിന് ചെത്തനാംകുര്‍ശ്ശി ഹയാത്തുല്‍ ഇസ്‌ലാം സെക്കന്‍ഡറി മദ്‌റസയിലെ 1400ഓളം വിദ്യാര്‍ഥികള്‍ക്കും രക്ഷിതാക്കള്‍ക്കും ഉച്ചഭക്ഷണം വിതരണം നടത്തിയിരുന്നു. എരവിമംഗലം തേങ്ങോട് കൃഷ്ണന്‍ നായരുടെയും ദേവകി പെരിമ്പനേഷ്യരുടെയും മകനായി ജനിച്ച ഏപ്പു മാസ്റ്റര്‍ എരവിമംഗലം യു.പി സ്‌കൂളില്‍ അധ്യാപകനായിരുന്നു.
കിറ്റുകളുടെ വിതരണോല്‍ഘാടനം ആലിപ്പറമ്പ് പഞ്ചായത്ത് വൈസ് പ്രസിഡന്റ് ടി.പി മോഹന്‍ദാസ് എന്ന അപ്പു നിര്‍വഹിച്ചു.
മുന്‍ ഗ്രാമ പഞ്ചായത്ത് പ്രസിഡന്റ് കെ ആലി അക്ബര്‍, വാര്‍ഡ് മെമ്പര്‍ കെ ഷീജ ടീച്ചര്‍ ആലിക്കല്‍ സൈതലവി, എന്‍ അബൂബക്കര്‍ മാസ്റ്റര്‍, സി.കെ കുഞ്ഞാന്‍, കെ.പി യൂസഫ്, സി കുഞ്ഞാലന്‍കുട്ടി ഹാജി, കെ ഷൗക്കത്ത്, കെ സിദ്ദീഖ് അക്ബര്‍ എന്നിവര്‍ പങ്കെടുത്തു.