പാലാ മണ്ഡലത്തിലെ എന്‍.ഡി.എ സ്ഥാനാര്‍ത്ഥി എന്‍.ഹരിക്ക് വേണ്ടി വോട്ട് ചോദിക്കാനെത്തിയ പി.സി ജോര്‍ജ് എം.എല്‍.എയും വ്യാപാരിയും തമ്മില്‍ വാക്കേറ്റം നടന്നു. എം.എല്‍.എയോടൊപ്പം ഉണ്ടായിരുന്നവര്‍ കടയില്‍ ആക്രമണം നടത്തിയെന്ന് കടയുടമ പൊലീസില്‍് പരാതി നല്‍കി.

കുരിശുങ്കല്‍പറമ്പില്‍ സിബിയുടെ ബേക്കറിക്ക് നേരെയാണ് ആക്രമണം നടന്നത്. ഇന്നലെ രാവിലെ 11 മണിക്കാണ് സംഭവം നടന്നത്. കടയിലെത്തിയ പി.സി ജോര്‍ജും സിബിയും തമ്മില്‍ വാക്ക് തര്‍ക്കമുണ്ടാവുകയായിരുന്നു.

ഇതോടെ എം.എല്‍.എക്ക് ഒപ്പമുണ്ടായിരുന്നവര്‍ കടയിലെ അലമാര തകര്‍ക്കുകയും ഭരണികള്‍ എറിഞ്ഞുടക്കുകയുമായിരുന്നു. കടയുടമ പ്രകോപനപരമായി സംസാരിച്ചപ്പോള്‍ കൂടുതല്‍ പ്രവര്‍ത്തകര്‍ കടയിലേക്ക് എത്തുക മാത്രമാണ് ഉണ്ടായതെന്നാണ് പി.സി ജോര്‍ജിന്റെ വാദം.