തിരുവനന്തപുരം: ഒളിംപിക്‌സ്, കോമണ്‍വെല്‍ത്ത് ഗെയിംസ് കായിക മത്സരങ്ങളില്‍ മെഡല്‍ നേടുക എന്ന ലക്ഷ്യവുമായി സ്‌പോര്‍ട്‌സ് കൗണ്‍സില്‍ നടപ്പിലാക്കുന്ന എലൈറ്റ് ബാസ്‌കറ്റ്‌ബോള്‍ പരിശീലന പദ്ധതിയിലേക്ക് കായിക താരങ്ങളെ തിരഞ്ഞെടുക്കുന്നു. 2015-16, 2016-17 വര്‍ഷങ്ങളില്‍ ദേശീയ അന്തര്‍ദേശീയ മത്സരങ്ങളില്‍ കഴിവ് തെളിയിച്ചിട്ടുള്ള 15 വയസ് മുതല്‍ 20 വയസ് വരെ പ്രായമുള്ള വനിതാ കായിക താരങ്ങളെയാണ് സ്‌പോര്‍ട്‌സ് കൗണ്‍സിലിന് കീഴിലെ എലൈറ്റ് ബാസ്‌കറ്റ്‌ബോള്‍ സ്‌കീമിലേക്ക് തിരഞ്ഞെടുക്കുന്നത്. വിദേശ പരിശീലകന്റെ സേവനം ഉള്‍പ്പെടെ ഏറ്റവും ആധുനികമായ അന്തര്‍ദേശീയ നിലവാരമുള്ള കായിക സൗകര്യങ്ങളും പരിശീലനവും മറ്റ് ഉന്നത നിലവാരത്തിലുള്ള അനുബന്ധ സൗകര്യങ്ങളും കായിക താരങ്ങള്‍ക്ക് പദ്ധതിയിലൂടെ ലഭിക്കും. താത്പര്യമുള്ള താരങ്ങള്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി നാളെ രാവിലെ കണ്ണൂര്‍ മുണ്ടയാട് സ്റ്റേഡിയത്തില്‍ നടക്കുന്ന സെലക്ഷന്‍ ട്രയല്‍സില്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം.