പള്ളിക്കല്‍: കാലിക്കറ്റ് സര്‍വകലാശാല സ്റ്റേഡിയത്തില്‍ നടന്ന ജില്ലാ പൊലിസ് കായികമേളയില്‍ മലപ്പുറം സബ് ഡിവിഷന് ഓവറോള്‍ ചാംപ്യന്‍ഷിപ്പ്. പെരിന്തല്‍മണ്ണ രണ്ടാം സ്ഥാനവും ഡി.എച്ച്.ക്യു മൂന്നാം സ്ഥാനവും കരസ്ഥമാക്കി. പുരുഷ വിഭാഗം വ്യക്തിഗത ചാംപ്യനായി ജില്ലാ സ്‌പെഷല്‍ ബ്രാഞ്ചിലെ നുഹ്മാനും വനിതാ വിഭാഗത്തില്‍ എ.ആര്‍ ക്യാംപിലെ സിനിമോളും തെരഞ്ഞെടുക്കപ്പെട്ടു.
കായികമേളയുടെ സമാപന ചടങ്ങിന്റെ ഉദ്ഘാടനും ജേതാക്കള്‍ക്കുള്ള ട്രോഫി വിതരണവും കാലിക്കറ്റ് സര്‍വകലാശാലാ വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ നിര്‍വഹിച്ചു. ഓവറോള്‍ ചാംപ്യന്‍ഷിപ്പ് നേടിയ മലപ്പുറം സബ് ഡിവിഷന് വേണ്ടി മലപ്പുറം ഡി.വൈ.എസ്.പി ജലീല്‍ തോട്ടത്തില്‍ ട്രോഫി ഏറ്റുവാങ്ങി.
ജില്ലാ അഡ്മിനിസ്‌ട്രേഷന്‍ ഡി.വൈ.എസ്.പി കെ.വി പ്രഭാകരന്‍, അസി.കമാന്‍ഡന്റ് ഡാര്‍വിന്‍ സുരേഷ്, സ്‌പെഷല്‍ ബ്രാഞ്ച് ഡി.വൈ.എസ്.പി ഉല്ലാസ് കുമാര്‍, ക്രൈം ഡിറ്റാച്ച്‌മെന്റ് ഡി.വൈ.എസ്.പി ഹരിദാസന്‍ സംബന്ധിച്ചു.