ഗൂഡല്ലൂര്‍: നെല്ലാക്കോട്ട ഗ്രാമപഞ്ചായത്തിലെ പാട്ടവയല്‍, വീട്ടിപ്പടി, താഴെ കൈവട്ട തുടങ്ങിയ സ്ഥലങ്ങളില്‍ സ്ഥാപിച്ച തെരുവ് വിളക്കുകള്‍ കത്തുന്നില്ലെന്ന് പരാതി. ഒരു മാസമായി ഈ മേഖലയിലെ തെരുവ് വിളക്കുകള്‍ കത്താതായിട്ട്.
കാട്ടാന ഉള്‍പ്പെടെയുള്ള വന്യജീവികളുടെ ശല്യമുള്ള പ്രദേശമാണിത്. ഇതുമായി ബന്ധപ്പെട്ട് പഞ്ചായത്ത് അധികൃതര്‍ക്ക് പരാതി നല്‍കിയിരുന്നുവെങ്കിലും യാതൊരുനടപടിയും സ്വീകരിച്ചില്ലെന്ന് നാട്ടുകാര്‍ ആരോപിച്ചു.
വൈദ്യുതി ബോര്‍ഡിന്റെ അനാസ്ഥയും തെരുവ് വിളക്കുകള്‍ സ്ഥാപിക്കുന്നതിന് തടസമാകുന്നുണ്ട്. പഞ്ചായത്ത് അധികാരികളോട് പരാതിപ്പെട്ടാല്‍ വൈദ്യുതി ബോര്‍ഡിനെയാണ് പഴിചാരുന്നത്.
തെരുവ് വിളക്കുകള്‍ കത്തിക്കുന്നതിന് ആവശ്യമായ അടിയന്തര നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.