മഞ്ചേശ്വരം: കടലില്‍ കുളിക്കാനിറങ്ങിയ ഏഴാം ക്ലാസ് വിദ്യാര്‍ഥി മുങ്ങി മരിച്ചു. കുഞ്ചത്തൂര്‍, കുച്ചിക്കാട്ടെ പരേതനായ ഇബ്രാഹിമിന്റെ മകന്‍ സയ്യിദ് ഇര്‍ഫാന്‍ (13) ആണ് മരിച്ചത്. കഴിഞ്ഞ ദിവസം വൈകിട്ട് സഹോദരനൊപ്പം ഹൊസബെട്ടു കടലിലെ അഴിമുഖത്ത് കുളിക്കാന്‍ ഇറങ്ങിയപ്പോഴായിരുന്നു അപകടം.സഹോദരന്‍ വിവരമറിയിച്ചതിനെ തുടര്‍ന്ന് നാട്ടുകാരും പൊലിസും തിരച്ചില്‍ നടത്തിയെങ്കിലും ഇര്‍ഫാനെ കണ്ടെത്താന്‍ കഴിഞ്ഞിരുന്നില്ല. ഇന്നലെ രാവിലെ മൃതദേഹം കരക്കടിയുകയായിരുന്നു. ദാറുല്‍ ഖുര്‍ആന്‍ ഇംഗ്ലിഷ് മീഡിയം സ്‌കൂളിലെ ഏഴാം ക്ലാസ് വിദ്യാര്‍ഥിയാണ് സയ്യിദ് ഇര്‍ഫാന്‍. സുഹ്‌റയാണ് മാതാവ്. സഹോദരങ്ങള്‍: ഇബ്‌സാര്‍, ഇഷാം, ഇമ്രാന്‍.