കോത്തഗിരി: ഗൂഡല്ലൂര്‍-കോത്തഗിരി ടൗണില്‍ ആരോഗ്യ വകുപ്പ് നടത്തിയ പരിശോധനയില്‍ നിരോധിത പാന്‍മസാലകള്‍ പിടികൂടി. പതിനായിരം രൂപ വില വരുന്ന പാന്‍മസാലകളാണ് പിടിച്ചെടുത്തത്. വിവിധ കടകളില്‍ നിന്നായാണ് ഇത്രയും പാന്‍ മസാലകള്‍ പിടിച്ചെടുത്തത്. കൂടാതെ ബേക്കറികളില്‍ നിന്നും ഹോട്ടലുകളില്‍ നിന്നും കാലപഴക്കം ചെന്ന ഭക്ഷ്യവസ്തുക്കളും പിടിച്ചെടുത്തിട്ടുണ്ട്. ഹെല്‍ത്ത് ഇന്‍സ്‌പെക്ടര്‍ രാജേഷിന്റെ നേതൃത്വത്തിലുള്ള സംഘമാണ് ടൗണില്‍ പരിശോധന നടത്തിയത്.