ദന്തേവാഡ: ചത്തിസ്ഗഢിലെ ദന്തേവാഡയില്‍ മാവോയിസ്റ്റുകളുമായുണ്ടായ ഏറ്റുമുട്ടലില്‍ സൈന്യം ആധുയങ്ങള്‍ പിടിച്ചെടുത്തു. ഇന്നലെ ഉച്ചയ്ക്കു ശേഷം മുംഗ ഗ്രാമത്തിലാണ് സൈന്യവും മാവോയിസ്റ്റുകളും തമ്മില്‍ ഏറ്റുമുട്ടിയത്. തലസ്ഥാനമായ റായ്പൂരില്‍ നിന്ന് 400 കി.മീറ്റര്‍ അകലെ കാട്ട്കല്യാണ്‍ മേഖലയില്‍ സി.ആര്‍.പി.എഫ്, ജില്ലാ റിസര്‍വ് ഗാര്‍ഡ്, സ്‌പെഷല്‍ ടാസ്‌ക് ഫോഴ്‌സ് എന്നിവയുടെ നേതൃത്വത്തില്‍ നടന്ന റെയ്ഡിനിടെ സായുധസംഘം സൈന്യത്തിനു നേരെ വെടിയുതിര്‍ക്കുകയായിരുന്നു. സൈന്യം ശക്തമായി തിരിച്ചടിച്ചതോടെ മാവോയിസ്റ്റ് സംഘം രക്ഷപ്പെടുകയായിരുന്നു.