HOME
DETAILS

കുടിവെളള ലഭ്യതയില്‍ തൃശൂര്‍ കോര്‍പ്പറേഷന്‍ ഒന്നാമത്: മന്ത്രി

  
backup
November 06 2018 | 05:11 AM

%e0%b4%95%e0%b5%81%e0%b4%9f%e0%b4%bf%e0%b4%b5%e0%b5%86%e0%b4%b3%e0%b4%b3-%e0%b4%b2%e0%b4%ad%e0%b5%8d%e0%b4%af%e0%b4%a4%e0%b4%af%e0%b4%bf%e0%b4%b2%e0%b5%8d%e2%80%8d-%e0%b4%a4%e0%b5%83%e0%b4%b6%e0%b5%82

തൃശൂര്‍: കോര്‍പറേഷന്‍ കുടിവെള്ള പദ്ധതി ആസൂത്രണം ചെയ്യുന്നതിലും കുടിവെള്ളം ലഭ്യമാക്കുന്നതിലും ഒന്നാമതാണെന്നു കൃഷി വകുപ്പു മന്ത്രി അഡ്വ. വി.എസ് സുനില്‍കുമാര്‍. വില്‍വട്ടം സോണല്‍ വാട്ടര്‍ സപ്ലൈ സ്‌കീമിന്റെ നിര്‍മാണോദ്ഘാടനം നടത്തി സംസാരിക്കുകയായിരുന്നു മന്ത്രി.
സുതാര്യമായ പ്രവര്‍ത്തനമാണ് തൃശൂര്‍ കോര്‍പ്പറേഷനെ ഒന്നാമതാക്കിയതെന്നും മന്ത്രി പറഞ്ഞു. അമൃത് പദ്ധതിയുടെ ഭാഗമായി ഗുരുവായൂര്‍ മുനിസിപ്പാലിറ്റിക്കും തൃശൂര്‍ കോര്‍പ്പറേഷനുമായി 131 കോടി രൂപയുടെ പ്രവര്‍ത്തതനാനുമതിയാണ് ലഭിച്ചിട്ടുളളത്. വില്‍വട്ടം സോണല്‍ വാട്ടര്‍ സപ്ലൈ സ്‌കീമിന്റെ ചെലവ് 14 കോടി രൂപയാണ്. ഈ മേഖലയില്‍ എല്ലാ വീടുകളിലേക്കും ഹൗസ്‌കണക്ഷന്‍ നല്‍കും എന്നതാണ് ലക്ഷ്യമെന്ന് അധ്യക്ഷപ്രസംഗത്തില്‍ കോര്‍പറേഷന്‍ മേയര്‍ അജിത ജയരാജന്‍ പറഞ്ഞു. 10 ലക്ഷം ലിറ്റര്‍ സംഭരണശേഷിയുള്ള ജലസംഭരണിയാണ് നിര്‍മിക്കുന്നതെന്നും അവര്‍ പറഞ്ഞു.
കേരള വാട്ടര്‍ അതോറിറ്റിക്കാണ് നിര്‍മാണ ചുമതല. തൃശ്ശൂര്‍ കോര്‍പറേഷനിലെ ജലക്ഷാമം നേരിടുന്ന ആനപ്പാറ, ചേറൂര്‍ മേഖലകളിലെ 6,7,8 ഡിവിഷനുകളിലേക്കു 30വര്‍ഷത്തേക്ക് ആവശ്യമായ ശുദ്ധജലവിതരണമാണ് ലക്ഷ്യം. ചടങ്ങില്‍ ഡെപ്യൂട്ടി മേയര്‍ ബീന മുരളി, കേരളാ വാട്ടര്‍ അതോറിറ്റി സൂപ്രണ്ടിങ് എഞ്ചിനീയര്‍ സി.കെ പ്രീതിമോള്‍, ആരോഗ്യകാര്യ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ എം.എല്‍ റോസി, മുന്‍ ഡെപ്യൂട്ടി മേയറും ഡി.പി.സി അംഗവുമായ വര്‍ഗീസ് കണ്ടംകുളത്തി കൗണ്‍സിലര്‍മാരായ കൃഷ്ണന്‍കുട്ടി മാസ്റ്റര്‍, അഡ്വ. വി.കെ സുരേഷ് കുമാര്‍, ശാന്ത അപ്പു, സീന ഭരതന്‍ പങ്കെടുത്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."