ബുധനി: കര്‍ഷക പ്രക്ഷോഭം തുടരുന്ന മധ്യപ്രദേശില്‍ ഒരു കര്‍ഷകന്‍ കൂടി ജീവനൊടുക്കി. മുഖ്യമന്ത്രി ശിവരാജ് സിംഗ് ചൗഹാന്റെ മണ്ഡലമായ ബുധിയിലെ യുവകര്‍ഷകന്‍ മുകേഷ് ആണ് വിഷം കഴിച്ചു ജീവനൊടുക്കിയത്.

ഇയാള്‍ക്ക് നാലു ലക്ഷം രൂപയുടെ കടബാധ്യത ഉണ്ടായിരുന്നതായി ബന്ധുക്കള്‍ പറഞ്ഞു. കഴിഞ്ഞ ഒരാഴ്ചയ്ക്കുള്ളില്‍ ഒന്‍പതാമത്തെ കര്‍ഷകനാണ് കടബാധ്യത മൂലം സംസ്ഥാനത്ത് ജീവനൊടുക്കിയത്.

നേരത്തെ വിവിധ പ്രശ്‌നങ്ങളുന്നയിച്ച് പ്രതിഷേധിച്ച കര്‍ഷകര്‍ക്കു നേരെ പൊലിസ് നടത്തിയ വെടിവയ്പ്പില്‍ ആറുപേര്‍ മരിച്ചിരുന്നു.

കാര്‍ഷിക ഉല്‍പന്നങ്ങള്‍ക്ക് മെച്ചപ്പെട്ട വില ആവശ്യപ്പെട്ടും കടങ്ങള്‍ എഴുതിത്തള്ളണമെന്നാവശ്യപ്പെട്ടും സംസ്ഥാനത്തുടനീളം പ്രക്ഷോഭം ശക്തിപ്പെട്ടു വരികയാണ്.