കോതമംഗലം: ഇടമലയാര്‍ ഡാമിന്റെ റിസര്‍വോയറില്‍ കാട്ടാനയെ ചെരിഞ്ഞ നിലയില്‍ കണ്ടെത്തി. ഡാമില്‍ നിന്ന് രണ്ട് കിലോമീറ്റര്‍ മാറി കാട്ടില്‍ മൈനപ്പാറ ഭാഗത്താണ് 50 വയസ് തോന്നിക്കുന്ന പിടിയാനയുടെ ജഡം കിടന്നത്. ഇന്നലെ രാവിലെ അതുവഴി വന്ന ആദിവാസികളാണ് ആനയുടെ ജഡം കണ്ട് വനപാലകരെ വിവരം അറിയിച്ചത്. ജഡത്തിന് ഉദ്ദേശം ഒരാഴ്ചത്തെ പഴക്കമുണ്ട്. തുണ്ടംഇടമലയാര്‍ റെയ്ഞ്ച് വനമേഖലയില്‍പ്പെടുന്ന സ്ഥലത്താണ് ജഡം കണ്ടെത്തിയത്.