വേങ്ങാട്: വേങ്ങാട് മഹല്ല് മുസ്‌ലിം ജമാഅത്ത് കമ്മിറ്റിയുടെ നേതൃത്വത്തില്‍ മഹല്ലിലെ മദ്‌റസയിലെ അധ്യാപകര്‍ക്കായി നല്‍കുന്ന മുഅല്ലിം ക്ഷേമനിധി വിതരണവും എന്‍.പി അബ്ദുള്ളക്കുട്ടി ഹാജി അനുസ്മരണവും വേങ്ങാട് ജുമാമസ്ജിദില്‍ നടന്നു. സയ്യിദ് സഫ്‌വാന്‍ തങ്ങള്‍ ഉദ്ഘാടനം ചെയ്തു. സി.പി അബൂബക്കര്‍ ഹാജി അധ്യക്ഷനായി. കെ.പി ഉസ്മാന്‍ ഹാജി, മണിയപ്പള്ളി അബുട്ടി ഹാജി, പൊയില്‍ ഹുസൈന്‍, വി.കെ മുഹമ്മദ്, കെ.അബ്ദുള്‍ അസീസ് ഹാജി, സി.പി സലീം, മുസ്തഫ ഹൈത്തമി സംസാരിച്ചു.