നിലമ്പൂര്‍: ജില്ലയില്‍ പക്ഷി ഭൂപടം തയാറാക്കുന്നു. പൊതുജന പങ്കാളിത്തത്തോടെയാണ് ഭൂപടം തയാറാക്കുന്നത്. ഇതിനായി മഴക്കാല സര്‍വേ ജുലൈ 15 മുതല്‍ ആരംഭിക്കും. ഒന്നാംഘട്ടമായി മഴക്കാല സര്‍വേ സെപ്റ്റംബര്‍ 14വരെ നീണ്ടുനില്‍ക്കും. രണ്ടാംഘട്ടത്തില്‍ ഉഷ്ണകാല സര്‍വേ ജനുവരി 13 മുതല്‍ മാര്‍ച്ച് 13വരെയാണ്.
     സര്‍വേയില്‍ പങ്കെടുക്കാന്‍ താല്‍പര്യമുള്ളവര്‍ക്കായി പ്രത്യേക പരിശീലനവും നല്‍കും. ന്യൂയോര്‍ക്ക് ആസ്ഥാനമായ കോണല്‍ ലാബ് ഓഫ് ഓര്‍ണിത്തോളജിയുടെ നേതൃത്വത്തില്‍ തയാറാക്കുന്ന ലോക പക്ഷി ഭൂപടത്തിന്റെ ഭാഗമായാണ് ജില്ലയിലും സര്‍വേ നടത്തി വിവരങ്ങള്‍ തയാറാക്കുന്നത്.
    ജില്ലയില്‍ എത്രതരം പക്ഷികളുണ്ട്, ദേശാടനത്തിനായി എത്തുന്ന ഇനങ്ങള്‍ ഏതെല്ലാം തുടങ്ങിയ വിവരങ്ങള്‍ ജനകീയ പങ്കാളിത്തത്തോടെ ശാസ്ത്രീയമായി ശേഖരിക്കുകയാണ് ലക്ഷ്യം. പങ്കെടുക്കാന്‍ താല്‍പര്യമുള്ളവര്‍ പേര് രജിസ്റ്റര്‍ ചെയ്യണം. ഫോണ്‍: 8281779289.