വണ്ടൂര്‍: ട്രെയിനില്‍ കയറുന്നതിനിടെ പ്ലാറ്റ് ഫോമിനിടയില്‍ കാല്‍ കുടുങ്ങി യുവാവിന് പരുക്കേറ്റു. വാണിയമ്പലം മൊടപ്പിലാശേരി കോലോം തൊടിക മനോജിനാണ് ഗുരുതമായി പരുക്കേറ്റത്. കഴിഞ്ഞ ദിവസം രാത്രി 10 മണിക്ക് ജോലി കഴിഞ്ഞ് രാജ്യറാണി എക്‌സ് പ്രസിനു മടങ്ങുന്നതിനിടെയായിരുന്നും സംഭവം.
വാണിയമ്പലത്താണ് മനോജിന് ഇറങ്ങേണ്ടത്.എന്നാല്‍ സ്ഥലം മാറി തൊടികപ്പുലം റെയില്‍വേ സ്റ്റേഷനിലിറങ്ങിയ മനോജ് തിരിച്ചുകയറുന്നതിനിടെയാണ് അപകടം. ഈ സമയം ട്രയിന്‍ പുറപ്പെട്ടതിനാല്‍ കാല്‍ പ്ലാറ്റ്‌ഫോമിനിടയില്‍ കുടുങ്ങുകയായിരുന്നു. അപകടത്തില്‍ കാലിനു സാരമായി പരുക്കേറ്റു. വാണിയമ്പലത്ത് എത്തിച്ച ഇയാളെ വണ്ടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.