കൊച്ചി:പാലാരിവട്ടം അഴിമതിക്കേസില്‍ അന്വേഷണ സംഘത്തലവനായ ഡിവൈ.എസ്.പി അശോക് കുമാറിനെ നീക്കം ചെയ്തു. അന്വേഷണത്തില്‍ ഗുരുതര വീഴ്ചകണ്ടെത്തിയതിനെതുടര്‍ന്നാണ് വിജിലന്‍സ് ഡയരക്ടറുടെ നടപടി. വിജിലന്‍സിന്റെ തിരുവനന്തപുരം സ്‌പെഷ്യല്‍ ഇന്‍വെസ്റ്റിഗേഷന്‍ യൂനിറ്റിലെ ഡിവൈ.എസ്.പി ശ്യാംകുമാറാണ് പുതിയ അന്വേഷണത്തലവന്‍.

അന്വേഷണത്തില്‍നിന്നും എ.എസ്.ഐ ഇസ്മയിലിനേയും ഒഴിവാക്കി. പ്രതികളെന്ന് സംശയിക്കുന്നവര്‍ക്ക് വിവരങ്ങള്‍ ചോര്‍ത്തിയെന്ന് കണ്ടെത്തിയതിനെ തുടര്‍ന്നാണ് നടപടി. എ.എസ്.ഐ ഇസ്മയിലിനെ വിജിലന്‍സില്‍നിന്നു തന്നെ നീക്കി.

പാലാരിവട്ടം പാലം കേസില്‍ മുന്‍ പൊതുമരാമത്ത് വകുപ്പ് സെക്രട്ടറി ടി.ഒ. സൂരജ് ഉള്‍പ്പെടെ നാല് പ്രതികളെ കഴിഞ്ഞ ഓഗസ്റ്റ് 30ന് വിജിലന്‍സ് അറസ്റ്റ് ചെയ്തിരുന്നു.