ന്യൂഡല്‍ഹി: നിയമസഭാ തെരഞ്ഞെടുപ്പിന് രണ്ടു നാള്‍ മാത്രം ബാക്കിനില്‍ക്കേ, ഛത്തീസ്ഗഢില്‍ മാവോയിസ്റ്റ് ആക്രമണം രൂക്ഷമായി. ആറിടത്ത് സ്‌ഫോടനമുണ്ടായെന്നാണ് റിപ്പോര്‍ട്ട്. അതിനിടെ, സൈനികരും നെക്‌സലുകളും തമ്മില്‍ ബിജാപൂര്‍ മേഖലയില്‍ ഏറ്റുമുട്ടലും തുടങ്ങി.

ഗോമിനും ഗട്ടകലിനും ഇടയിലാണ് സ്‌ഫോടനങ്ങളുണ്ടായത്. ഏറ്റുമുട്ടലില്‍ രണ്ട് നക്‌സലുകള്‍ കൊല്ലപ്പെട്ടതായാണ് വിവരം. ആയുധങ്ങളും സ്‌ഫോടകവസ്തുക്കളും പിടിച്ചെടുത്തിട്ടുണ്ട്.

കഴിഞ്ഞ രണ്ടാഴ്ചയ്ക്കിടെ ഛത്തീസ്ഗഢില്‍ മൂന്ന് പ്രധാന ആക്രമണങ്ങളാണ് മാവോയിസ്റ്റ്, നക്‌സല്‍ മേഖലയിലുണ്ടായത്. 13 പേര്‍ കൊല്ലപ്പെടുകയും ചെയ്തു.