കൊല്ലം: ദേശീയ ജൂനിയര്‍ റോള്‍ ബോള്‍ ചാംപ്യന്‍ഷിപ്പ് 12, 13 തിയതികളില്‍ കൊല്ലം ബിഷപ്പ് ജെറോം ഇന്‍സ്റ്റിറ്റ്യൂട്ട് കാംപസിലെ ഇന്‍ഡോര്‍ സ്റ്റേഡിയത്തില്‍ നടക്കും. 24 സംസ്ഥാനങ്ങളില്‍ നിന്നു 800ല്‍ പരം കായിക താരങ്ങള്‍ പങ്കെടുക്കും. 12ന് രാവിലെ ഏഴിന് റോള്‍ ബോള്‍ ഫെഡറേഷന്‍ ഓഫ് ഇന്ത്യയുടെ പ്രസിഡന്റ് ഫ്‌ളാഗ് ഓഫ് ചെയ്യുന്നതോടെ മത്സരങ്ങള്‍ക്ക് തുടക്കമാകും. വൈകിട്ട് അഞ്ചിനു നടക്കുന്ന സമ്മേളനം ഫിഷറീസ് മന്ത്രി ജെ.മേഴ്‌സിക്കുട്ടിയമ്മ ഉദ്ഘാടനം ചെയ്യും. ചാംപ്യന്‍ഷിപ്പ് ജനറല്‍ കണ്‍വീനര്‍ പി സുന്ദരന്‍ അധ്യക്ഷത വഹിക്കും.

14ന് വൈകിട്ട് നാലിന് നടക്കുന്ന സമാപന സമ്മേളനത്തില്‍ സംസ്ഥാന റോള്‍ ബോള്‍ അസോസിയേഷന്‍ പ്രസിഡന്റ് ബി ജ്യോതിപ്രകാശ് അധ്യക്ഷത വഹിക്കും. സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ സമ്മാനദാനം നിര്‍വഹിക്കും.

പി സുന്ദരന്‍, പി.വി ഉദയന്‍, ജി ലാലു, കെ രാമഭദ്രന്‍, അനില്‍ അമ്പലക്കര, സുഭാഷ് പാറയ്ക്കല്‍, ബി രാധാകൃഷ്ണന്‍ പത്രസമ്മേളനത്തില്‍ പങ്കെടുത്തു.