മക്ക: സഊദി അറേബ്യയുടെ പുതിയ കിരീടാവകാശിയായി തിരഞ്ഞെടുക്കപ്പെട്ട മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസിനെ രാജ്യത്തെ പൗരപ്രമുഖരും ഉന്നതരും അനുസര പ്രതിജ്ഞ (ബൈഅത്ത്) കൈമാറി. മക്കയിലെ അല്‍ സഫ കൊട്ടാരത്തിലാണ് ചടങ്ങുകള്‍ സംഘടിപ്പിച്ചത്.

കിരീടാവകാശിയായി പ്രഖ്യാപിച്ച ശേഷം ആദ്യമായ് രാജ കൊട്ടാരത്തില്‍ എത്തിയപ്പോള്‍ സഊദി ഗ്രാന്‍ഡ് മുഫ്തി ശൈഖ് അബ്ദുല്‍ അസീസ് അദ്ദേഹത്തെ ശിരസ്സ് മുത്തം നല്‍കി അഭിനന്ദിക്കുകയും ഉപദേശ പ്രസംഗത്തോടെ ചടങ്ങുകള്‍ ആരംഭിക്കുകയു ചെയ്തു . സഊദി ഭരണകൂടത്തിലെ ഉന്നതര്‍ക്ക് പുറമെ രാജ്യത്തെ വിവിധ ഗോത്ര നേതാക്കളും ചടങ്ങില്‍ പങ്കെടുത്തു.