താമരശേരി: പി.ടി.എയുടെ പരാതി പ്രകാരം സര്‍ക്കാര്‍ സ്‌കൂള്‍ അധ്യാപകനെ സ്ഥലം മാറ്റി. സ്വകാര്യ സ്‌കൂളിനെ സഹായിക്കുന്നുവെന്ന പരാതിയിലാണ് അന്വേഷണ വിധേയമായി സ്ഥലംമാറ്റിയത്. കോടഞ്ചേരി ചെമ്പുകടവ് ഗവ. യു.പി സ്‌കൂളിലെ അധ്യാപകനായ കെ.എസ് ഷാജുവിനെയാണ് കരുവമ്പൊയില്‍ യു.പി സ്‌കൂളിലേക്ക് സ്ഥലംമാറ്റി ഉപഡയറക്ടറുടെ ഉത്തരവായത്. കോടഞ്ചേരി സെന്റ് മേരീസ് ഇംഗ്ലിഷ് മീഡിയം സ്‌കൂളില്‍ വര്‍ഷങ്ങളായി ഇയാള്‍ പി.ടി.എ പ്രസിഡണ്ടന്റായി പ്രവര്‍ത്തിച്ചു വരുന്നതായും സര്‍ക്കാര്‍ സ്‌കൂളില്‍ കൃത്യവിലോപം കാണിക്കുകയും ചെയ്യുന്നു എന്ന പി.ടി.എ പ്രസിഡണ്ടന്റിന്റെ പരാതിയിലാണ് കോഴിക്കോട് വിദ്യാഭ്യാസ ഉപഡയറക്ടറുടെ നടപടി.